23ejim Cuncors Regiunel de Fotografia “Segra Sacun”
Stimei cumëmberi y apasciunei de fotografia,
seis duc nviei a to pert al 23ejim Cuncors Regiunel de Fotografia “Segra Sacun”.
La tematica de chëst ann: esposizion multipla (multiple exposure).
La fotografies (mascimo 5 tl format 30x45cm) pudëis de jù te uffize dla Nëus Jëuni Gherdëina, Via Rezia 102, Urtijëi. (Dlaurela china ai 8 de setëmber 2023.)
La mostra vën pona metuda a jì dai 6 ai 9 de utober.
Se ncunferton sun vostra fotografies.
Per deplù nfurmazions, tlo tl pdf.
Workshop de fotografia de sport
Stimei cumëmbri y duc i foto ntujiasms,
nëus son cuntënc de pudëi ve cumuniché che son stac boni de urganisé n workshop de fotografia adum a un di mieures fotografs de sport, Harald Wisthaler.
L curs sarà ai 6 de mei dala 9.00 ala 14.00 a Runcadic dal tennis. L curs ie fat su de na pert de teoria, ma da pudei debota meter te pratica dut l savei. L unirà fotografà cun doi sportivi te azion sui ciamps dl tennis.
Da paië iel 120€ per i cumëmbri y 150€ per i autri. L pudrà me to pert 10 persones, perchël scrijeve riesc ite nchina ai 30 de auril da Arik (335-6585393).
Fajede pea!
Harald Wisthaler: www.wisthaler.com
Nuef cunsëi 2023
Stimei cumëmbri,
cun la generela y la elezions, sons sën de ot tl cunsëi. La ncëries ie bele unì sparti su sun duc:
Arik Oberrauch - presidënt
Vinzenz Dellago - vizepresidënt
Claudio Cainelli - plata web
Engl Colcuc - mpresté ora, local
Luigi Romanelli - cunsilier
Damian Holzknecht - retlam, grafica
Vivien Merler - scrivana, Instagram
Besim Shahini - cassier
Sciche uni ann, ons de bujën de n cuntribut finanzier per nosta atività dla assoziazion y l local, perchël ve damandon preibel inò de paië ite y 30€ tres banca o diretamënter da un de nosc cumëmbri, nchina ai 31 de merz.
IBAN: IT 07 C 08056 23120 000302068583
Cassa Raiffeisen Ciastel - Urtijëi
Ve rengrazion bele danora per l paiamënt y se ncunfurton sun vosc unì a nosta jites y manifestazion. Ntant bele vel anunzia de nosc prugram:
AI 15 de Fauré sará Matthäus Kostner che se spiega dla aministrazion de i dati y l backup dla galeria de fotografies.
Ai 6 de Mei arà urganisà n workshop adum a Harald Wisthaler dedicà ala fotografia dl sport.
Nce chëst‘ann sarà inò l cuncors de Marcià de Segra Sacun cun na tematica dre nteressanta “l’esposizion multipla”. Speron che ngrum fej inò pea.
“Gut Licht”
Vosc cunsëi
Generela 2023
Stimei cumëmbri/es y simpatisanc,
Sëis de cuer nviei ala senteda generela dl Fotoclub Gherdëina, n sada ai 14 de jené 2023 dala 20.00 tl prim partimënt tla Cësa per Jëuni, Ert y Cultura a Urtijëi tla Streda Rezia 102.
N chësta ucajion Damian Holzknecht se mostra valguna de si fotografies y unirà lità l nuef cunsëi.
Programm dla manifestazions autonn 2022
Lista dla manifestazions
Stimei cumembri,
cun lergrëza Ve prejenton l program da d’autonn:
dai 07 ai 10 de utober uniral prejentà la mostra collettiva de marcià “Segra Sacun” cun l titul “Ecosustenibl??”
ai 09 de utober sarà l Photomarathon a Sirmione
Nfurmazions sun la manifestazion tlo
N muessa enstës se scri it nchin ai 2 de utober. Cunsion de se scri it dan i 18 de setëmber ajache l numer de partezipanc ie limità.
Ai 22 de utober fajons la jita d’auton sul Kronplatz a ti ciale al MMM.
Nfurmazions tlo
Audireis mo plu avisa, fajede al savei y fajede pea.
22° Cuncors "SEGRA SACUN"
Vernissage y orares de giaurida
Stimei cumembri,
ulon ve fe alsavei che la vernissage y premiazion dl 22° Cuncors “Segra Sacun” cun tema “Mans a blanch y fosch” ie stata spusteda a n venerdi ai 8 de utober 2021 dala 20:00.
Ve lecurdon che la mostra resta davierta dai 8 ai 11 de utober. La resta davierta dala 10:00 ala 12:00 y dala 16:00 ala 18:00.
Lunesc 11 de utober resta la mostra davierta dala 9:00 ala 17:00.
Mostra "Bienenstich"
40 ani Fotoclub Gherdëina
Vosc nuef cunsëi
Stimei cumëmbri,
Do la senteda generela y la veles sonsa sen de set te cunsëi. L lëur de uniun ie:
Arik Oberrauch - Presidënt
Vinzenz Dellago - Vizepresidënt
Claudio Cainelli – Cassa, plates web
Engl Colcuc - Mpersté ora, local
Luigi Romanelli - Scrivan
Damian Holzknecht – Media, jëuni y Instagram
Vivien Merler - Media, jëuni y Instagram.
On metù adum n bel program, coche nce l cuncors de Segra Sacun cun l tema “Mans a blanch y fosch”, ulache tulerëis segurmënter duc pert.
L Fotoclub dal bele da 40 ani y per chësc bel giubileo se lascerons sambën zënza tumé ite velch. L program unirà mo publicà.
Davia che l ie da pajë l local y per duc i lëures ntan l’ann prion bele de paië ite l cuntribut anuel (30 €) nfin ai 31 de merz sun nosc conto o diretamënter a un de nëus.
IBAN: IT07 C080 5623 1200 0030 2068 583
Rengrazion bele danora nce a chëi che l’a bele fat y fajëde dassënn pea.
Na bona lum a duc.
Generela 2021
Stimei cumëmbri,
Ajache la situazion atuela se mpermët nia de chisc tëmps de pandemia de avëi cuntac soziei, on mpensà de cherdé ite la senteda generela sada ai 20 de fauré tres Zoom.
Sëis duc de cuer nviei a tò pert!
Per plu nfurmazion: fotoclubgherdeina@gmail.com
Generela 2021
Stimei cumëmbri,
ajache al mumënt iel belau nia puscibl fe na generela nsci sciche ti ani passei on teu la dezijion de la sburdlè a n auter mumënt. Purempo ulon rengraziè dui chei che nes a judà chest’ann te plu ucajions.
Ulessan ve lecurdè che chest’ann fossa la veles. Arik, Claudio y Engl fej gen inant amanca nchin che n po fe la veles, sce chesc va ben a vo y sce no fajedel preibel al savei.
Nëus chiron mo n doi o trei cumëmbri per ngrandi l cunsëi che po judè cun ideies lecurdan for che nosc motto ie restà l medemo “Neus fajon chel che nes sa bel y chel cialon de meter a ji”.
La lia y nosta sënta sta me mpe cun i contribuc de vo cumëmbri, dla Provinzia Autonoma de Bulsan-Südtirol y de i Chemuns de nosta valeda. Nchin ncuei ie chësc jit dret ben, perchël ve prion bel de paiè ite inant l contribut anuel de 30€.
Pernan che la va ulon urganisè n workshop, magari te pitla grupes, per mparè a adruè la nueva lumes (flash) che po ënghe uni adruedes dedora. Uni cumember che tol pert al workshop po ënghe se les mprestè ora.
Chest’ann festejea l Fotoclub si 40 ani de atività, per chesta ucajion ulessan organisè velch, magari na mostra de vel sort. Sce un de vo a na idea po preibel de la purtè dant. Cialon de segur de fe velch de blot.
Ala fin mo l program da chest’ann:
Faurè - Workshop cun la nueva lumes (flash)
Merz - Na seira cialan la fotografies de i cumembri cun cunsëies y ew. critiches
Auril - Cialè a n film che a da nfè cun la fotografia
Mei - Jita da d’Ansciuda
Juni – Jita de nuet
Lugio – Festa di 40 ani dl Fotoclub
Utober - Cuncors "Segra Sacun” cun tema: "Mans" a blanch y fosch
Utober – Fe pea al Photomarathon a Sirmione
Nuvember – Jita d’Autonn
Se ncurferton sun chesc ann adum cun vo
N Bon Ann 2021
Stimei cumembri,
L vedl ann ie passà.
L ie sta n ann rie per duc y nsci enghe per nosta lia. Assan abù plu ideies che, ora dla mostra de Segra Sacun, ne on nia pedù realisè y che speron de pudei fe chest'ann.
Mpo ons zeche de nuef!
On cumprà de segonda man n system flash dla Elinchrom (model Rangerquadra) cun trei flash y doi batteries te boniscima condizions.
Chesc system ie adatà per fotografieren enghe dedora. Pernan che l sarà puscibl cialeron de urganisè na seira ulà che spiegon co l'adruè.
Nplù sarà chest"ann inò la generela cun la veles. Savon mo nia da ve dì can che les unirà a sl dè.
Nosc motto di ultimi ani foa chel de "fe chel che nes sa bel" cun chesc uleron enghe ji inant. Fossa bel avei mo zachei tl cunsei che nes judessa cun ideies.
Ntant ve saludon ve mbincian n Bon Ann Nuef y n "Gut Licht" a duc.
Mostra collettiva “Segra Sacun” 2020
Orares de giaurida
Mostra collettiva “Segra Sacun” 2020
Titul: Formes geometriches
Venerdi l 25 de Setember ie for plu daujin. Chesc ie l’ultimo di per pudei de ju la fotografies per la mostra de chest’ann.
Ulessan ve nvië ite, sce ne l’eis mo nia fat, a de ju la fotografies tl ufize dla Nëus Jeuni Gherdëina tla streda Rezia 102 a Urtijëi.
Uniun po de ju al mascimo 5 fotografies cun l format 30x45 cm.
La mostra sarà da udëi dai 09 nchin ai 12 de Utober 2020.
I orares de giaurida Ve fajron mo al savëi.
La vernissage ie n venerdi ai 9 de Utober dala 20.30.
Mudazion dl programm dla ativiteies tl 2020
Te la prima metà dl ann son stai sfurzei a smendrì nosc programm per i motives da duc cunesciui.
Ne savon mo nia sce l sarà mesun giaurì la mostra de Yuri Balzano dal titul “Street Photography (Lens)” che foa ududa dant de fe de Juli. Ve fajron senzauter al savëi te n proscimo mument co che la unirà a sl de.
On enghe fat ora de sburdlè al ann che vën l cuncors de chest ann de Segra Sacun dal titul: “Mans” fotos a blanch y fosch”, chesc unirà sciche dit tëut su tl 2021.
La mostra de Segra Sacun unirà mpo mo fata ma l sarà na collettiva dal Tema “Formes Geometriches”. L’ultimo di da pudëi de ju la fotos ie l 04 de Setëmber tl uffize dla Nëus Jeuni Gherdëina a Urtijëi.
Programm dla ativiteies tl 2020
Nteur mez Auril cialeron n film che reverda la fotografia. Plu inant uniral fat al savei ce di y da c’eura.
Ai 09 de Mei jiron a ti cialè a na mostra de fotografies a Bologna. L program ie da udei tlo dessot.
De Juni uniral jit dasseira te una de nosta ziteies (Tluses, Persenon o Bulsan) per fe de bela fotos “street”.
Ai 03 Lugio dala 20:00 vernissage dla mostra “Street Photography (Lens)” de Yuri Balzano. INFO
Ulon ve lecurdè che l tema del 22° concorso regionel “Segra Sacun” de chest’ann ie “Mans”. Tema da fe a blanch y fosch. Termin per de ju la fotografies ie l 04 de Setember 2020. Plu nformazions ve uniral dat plu inant.
Mostra de fotografia “Women. Un mondo in cambiamento”
Sada ai 09 de Mei urganisea l Fotoclub Gherdëina n viac a Bologna per ti cialè ala mostra de fotografia dl National Geographic dal titul “Women. Un mondo in cambiamento”. L’eiles tla società tres n secul de fotografia.
Programm dl di:
06:20 pion via da Urtijëi cun l’auto privat de viers de Bulsan
07:12 pea via l zug da Bulsan per Bologna C.le cun Freccia Argento
09:42 ruon a Bologna C.le
10:00 orar de giaurida dla mostra.
Do la vijita ala mostra jon a marenda y daldo po uniun ji te zità de Bologna cun la puscibltà d fe de bela streetfotos.
19:18 pion de reviers da Bologna C.le per Bulsan cun Freccia Argento
21:48 ruon ino a Bulsan.
Per motives de urganisazion seis priei bel de confermè vosc uni pea entro l 26 de Auril.
Generela
Stimei cumëmbri/es y simpatisanc,
Sëis de cuer nviei ala senteda generela dl Fotoclub Gherdëina, n vënderdi ai 17 de jené 2020 dala 20.00 tl prim partimënt tla Cësa per Jëuni, Ert y Cultura a Urtijëi tla Streda Rezia 102.
Remind: Mostra collettiva “Segra Sacun” 2019
Titul: Formes tla natura
Venerdi l 20 de Setember ie for plu daujin. Chesc ie l’ultimo di per pudei de ju la fotografies per la mostra de chest’ann.
Ulessan ve nvië ite, sce ne l’eis mo nia fat, a de ju la fotografies tl ufize dla Nëus Jeuni Gherdëina tla streda Rezia 102 a Urtijëi.
Uniun po de ju al mascimo 5 fotografies cun l format 30x45 cm.
La mostra sarà da udëi
dai 11 nchin ai 13 de Utober 2019 dala 10.00-12.00 y dala 16.00-18.00 y n
lunesc ai 14 de Utober dala 09.00-17.00.
La vernissage ie n juëbia ai 10 de Utober dala 20.30.
Mostra de fotografies de Letizia Battaglia a Unieja
Sada ai 13 de Auril urganisea l Fotoclub Gherdëina n viac a Unieja, ilo jiron sun l’ijula dla Giudecca tla cesa tlameda “Casa dei tre Oci” a ti cialè ala mostra de fotografies de Letizia Battaglia dal titul “Fotografia come scelta di vita”.
L programm dl dì:
06:00 veniel pià via da Urtijei sun Plaza St. Antone cun l pulmino dla NJG.
09:30 ruon a Unieja ulache cun l traghetto furnon sun l’ijula per ti cialè ala mostra.
Do ti avei cialà ala mostra jon a marenda y daldo jiron zruch cun l traghetto sun l’ijula de San Giorgio oder ndret sun plaza S. Marco per ji po tres zità de viers dl’auto, ntant pudra uniun pultrè jù cie che l se veij ora de bel.
17:00 uniral ino pia de reviers y ntan l viac se fermeron a se maie velch.
23:00 saron inò a Urtijei.
Nfurmazions sun la mostra de fotografies tlo
Generela
Stimei cumëmbri/es y simpatisanc,
Sëis de cuer nviei ala senteda generela dl Fotoclub Gherdëina, n vënderdi ai 18 de jené 2019 dala 20.00 tl prim partimënt tla Cësa per Jëuni, Ert y Cultura a Urtijëi tla Streda Rezia 102.
Ntan la sëira Claudio Cainelli se mostra na “slideshow” dal titul “Portugal 2018”. N chësta ucajion sarà ënghe lità l nuef cunsëi per i doi ani che vën.
Cuncors "Segra Sacun" 2018
On l plajëi de ve nviè ai 16 de Nuvëmber dala 20:00 al Verinssage dl 21escimo Cuncors Fotografich “Segra Sacun” tla sala dla mostres dl Circolo a Urtijëi tla Streda Rezia 102.
La mostra resta davierta n sada ai 17 y dumënia ai 18 de Nuvëmber dala 10:00 ala 12:00 y dala 16:00 ala 18:00.
Jita d'auton
N Sada ai 27 de Utober veniel jit a fe la tradizionela jita d’autonn dl Fotoclub.
Se ancunton dala 12:30 sun plaza S.Antone a Urtijei per furnè cun i auti privac pra l ciastel Runkelstein al entreda de la valeda de Sarntal.
Dala 14:00 saral zachei che nes conta la storia dl ciastel y che nes meinerà ncanteur (Tl ciastel pon enghe fotografieren).
Per la 18:00 ons apustà n Törggelen tl “Troglerhof” a Lajon.
Cun la speranza che unieis de ngrum ve prion bel de se scri ite nchin ai 20 de Utober.
Segra Sacun
Per gaujes organisatives da pert dl cunsei dl Circolo ne ie chest’ann l local per la mostres nia a nosta disposizion per la mostra de Segra Sacun.
A chesta maniera sons sfurzei de spustè la data per la “Vernissage” y premiazion nchin Nuvember. L tiermul plu avisa Ve unirà fat al savei pernan che la va.
Ve rengrazion de Vosta cumprenscion.
Time Lapse
Tla sënta dl Fotoclub Gherdëina, Streda Rezia 102 a Urtijëi, n venerdi ai 29 de Juni dala 20:00, Ralf Brunel se rujnerà dla tecnica dl Time Lapse.
Sëis duc de cuer nviei a unì a scutè su de si esperienza.
Multivisionshow
Mostra de fotografies de Vivian Maier a Bologna
N dumenia ai 15 Auril, l Fotoclub Gherdëina met a ji na gita per ti cialè ala mostra de Vivian Maier, a Bologna tl Palazzo Pallavicini.
Programm dl di:
7:16 pea via l zug Freccia Argento da Bulsan de viers de Bologna C.le
9:42 ruons a Bologna C.le
11:00 giaurida dla mostra
Do la mostra veniel ji a marenda y a vijitè la zità de Bologna cun pusciibilità de fè fotografies
18:45 pion via cun la Freccia Argento da Bologna
21:14 sons de reviers a Bulsan
Nfurmazions sun la fotografin Vivian Maier tlo
Film "Il sale della terra", biografia de Sebastião Salgado
N Sada ai 17 de Merz meton a ji na seira cun en film te la rujneda taliana ntitulà “Il sale della terra”. Tlo se tratl dla biografia de Sebastião Salgado, n genio dla fotografia. El se muoa te luesc de crisa sibe de vieres che de catastrofen natureles y enghe te luesc cun de bela ududes panoramiches. Te chesc film uniral mustrà de si vita y de si fotografies. Ve nvion dui canc a uni dala 20:00 tl local dl Fotoclub tl Circolo tla streda Rezia 102.
Generela
Ai 09/01/2018 dala 20:30 ie la senteda generela dl Fotoclub Gherdeina tl prim partiment dla cesa Ert y cultura (circolo) a Urtijëi tla streda Rezia 102.
Seis duc de cuer nviei. Chest'ann ne iel deguna veles.
Remind: Mostra collettiva “Segra Sacun” 2017
Titul: Mi fotografies plu garatedes sun Instagram (Format Instagram)
Ai 15 de Setëmber iel l’ultimo di per pudëi de ju la fotografies oder i files per la mostra de Segra Sacun. Perchël ulessan ve nvie, sce ne l’ëis mo nia fat, a de ju vosta fotografies pra la Nëus Jeuni Gherdëina tla streda Rezia 102 a Urtijëi.
Te chësta ucajion ve fajon mo n iëde al savei che la mostra resterà daviërta
dai 06 nchin ai 08 de Utober dala 10 ala 12 y dala 16 ala 18 seurapro n
Lunesc ai 09 de Utober l di de Marcià de Segra Sacun dala 09 ala 17
La Vernissage ie n Juëbia ai 05/10/2017 dala 20:30
Mostra collettiva “Segra Sacun” 2017
Titul: Mi fotografies plu garatedes sun Instagram (Format Instagram)
L ie stat cris ora chesc titul per la rejon che a truepa persones ti sa bel a mustre si emozions tres si fotografies les mustran sun Instagram.
Da can che sun Instagram dai 6 de Utober 2010 scumenciovun a udei la prima fotografies tumova tl uedl l tipic format cheder cun na risa lergia blancia desseura y dessot oder da les pertes.
Chesta caratteristica lecurdova mpue la vedla fotografies istantanees dla Polaroid. Per chesc motivo ons pensa de teni l format cheder tla mesures 30 x 30 cm.
L tema ie liede, n po mande ite fotografies dla cosses da uni di ma l unira nia publichedes fotos cun taieresc cun speisa oder selfies. N po mande ite fotos a culeures oder blanch y fosch.
L cunsei se ten l dert de cri ora la fotografies che unirà publichedes.
Chesta ie na mostra collettiva y l ne sarà da vencer nia perchel ie l fe pea debant y daviert a duc.
La fotografies tl format cheder po unides dates ju sibe sun papier che cun files digitei che muessa uni druchedes sun na CD.
Sun la fotografies dovia y sun la CD danca muessa vester scrit su l’inuem y l’adres cun l numer de telefon dl fotograf.
N ne muessa nia ma assan dret gen sce la fotografies essa enghe n titul. Uni partezipant po de ju nchin a 5 fotos. L fotograf ie responsabl per chel che ven mustrá sun la fotografia che l met ora (Privacy i n.i.)
L tiermul per de ju la fotografies ie ai 15 de Setember tl ufize dla Neus Jeuni Gherdeina a Urtijei tla streda Rezia 102.
Per i cumembri scric ite tl 2017 se tol su l fotoclub la speises per la stampa di files. Per i nia scric ite uniral damandà n contribut de 5,00€ per uni foto publicheda.
Mostra de Peter Lindbergh
Co che an scrit tla ultima email dl 23.04.17 ulan organisieren n viac ala Photoshow a Milano.
Sen ne dal nia plu la Photoshow te chela form nsci co che la cunescian ma ora dla Photoshow iel deventà l “Widephotofest17” cun en program che ne cunescion mo nia.
Perchel iel sta fat ora de furne a München for l medemo di, ai 10 de Juni, a ti ciale ala mostra de Peter Lindbergh che chest’ann a enghe fat l calender Pirelli.
Do che ti on cialà ala mostra jiron tla stredes de München a fe mpue de Streetfotografie y sce velun essa da ji te vel buteiga a se cumpre velch pol senzauter l fe.
Pià via veniel da Tluses dala 6:05 daduman cun l Flixbus ruan a München dala 9:25.
De reviers peun via da München dala 19:10 per rue a Tluses dala 22:30.
La cherta dl Flixbus muessa uniun se apuste nstes cun la prozedur dl Flixbus y nsci enghe la cherta de 12,00€ per l’entreda ala mostra y la marenda.
L fotoclub se tol su de paiè ai cumembri dl Fotoclub la führung tla mostra nstesa.
Speran che chesc mudament de program ve pleje ve prion bel per motivi de organisazion de nes l fe al savei nchin ai 31 de Mei sce unieis pea.
Link ala mostra
Nuviteies
Cun legrëza fajons al savëi che l Fotoclub à inò n cunsëi.
N vënerdi ai 24 de fauré 2017 iel unì cherdà ite na ancunteda straurdinera cun duc i cumëmbri.
Prejënc pra chësta sëira fova
Alex Oberbacher, Alexander Demetz, Mark Nogler, Gunnar Schmalzl, Arik Oberrauch, Claudio Cainelli, Vinzenz Delago y Engl Colcuc.
L argumënt de majera mpurtanza fova chël de co fé acioche l sibe nteressant a vester pra nosta lia.
L fin de nosta lia dëssa vester de se ancunté, fé zeche deberieda, avëi na hez y pudëi mparé un dal auter.
Perchël se ons destacà dal messëi a uni maniera fé lëures che porta scioldi tla cassa, mpede pudëi vester liedesc de jì a fé fotografies coche l ti sà bel a uniun.
Una dla ideies unides ora ie de mëter su na grupa WhatsApp, pra chëla che uniun che ie scrit ite pra l Fotoclub y paierà ite l cuntribut anuel de 30,00 €, puderà vester leprò.
Chësta scumenciadiva, che ie unida tëuta su ben da duc i prejënc, ie dessegur na puscibltà per ruvé inò adum y jì a fé fotos deberieda.
Co va pa chësc?
Sce vel’un dl Fotoclub uel jì nzaul a fé fotos (ala stëiles, al levé dl surëdl, l Egetmann a Tramin y n.i.) y l ti savëssa bel sce l unissa pea mo zachei,
pona possel scrì sun WhatsApp per ejëmpl:
“N dumenia vedi a fotografé i ciavei a San Lenert tla Val Badia, chi che uel unì pea me l fej al savëi, pona se ancuntons sun plaza S. Antone dala 8.00.”
Tlo dëssel mé respuender chëla persones che uel jì pea y degun auter, scenó sona tresora l telefonn da duc canc.
Nteressant possa chësc vester nce per chëi che à mo da mparé a adurvé si fotoaparat, ajache jan deberieda cun d’autri possen ti damandé vel’ cunsëi.
Sambën iel unit ora mo d’autra ideies, ma de chëles lascerons al savëi tantosc che les unirà metudes a jì.
Speron che chësc nosc mpëni vënie tëut su cun plajëi da trueps de chëi che te chisc ultimi ani ie stai cumëmbri y sun na tela prions bel de se scrì ite da nuef nchin ai 20 de merz 2017.
Tl cunsëi nuef iel:
Presidënt Arik Oberrauch
Scrivan y magasinier Engl Colcuc
Cassier Claudio Cainelli
Per i lëures sun l computer se a metù a disposizion Alexander Demetz che ne fej nia pert dl cunsëi
Prion bel de fé al savëi sce ne sëis nia a una cun chëi che se à metù a desposizion per fé inant o sce l ie zachei che uel fé pea.
L cuntribut anuel possa unì paià ite tres banca nchin ai 20 de merz 2017 sciche (contribut anuel) o coche i ultimi ani a un dl cunsëi.
